QPL: «Astana» elordada «Kaspıımen» teń oınady
ASTANA. KAZINFORM — Fýtboldan Qazaqstan Premer-lıgasynyń keıinge qaldyrylǵan HHІІІ týrymáresine jetti.
Bul týrdy elordada «Astana» — «Kaspıı» (Aqtaý) komandalary túıindedi.
Astanalyq klýb bıyl úzdik úshtikten kórinýdi aldyna maqsat etip otyr. Sondyqtan árbir kezdesýge jaýapkershilikpen qarap, jaqsy oıyn órnegin kórsetýge tyrysady. Degenmen olar búgin teń nátıjege qanaǵat bildirýge májbúr boldy.
Kezdesý barysynda elordalyq klýbtan Marın Tomasov 26-mınýtta gol soqsa, aqtaýlyq klýbtan, Dıerjon Arıpov 68-mınýtta avtogol avtory atandy. Oǵan «Kaspıı» sapynan Davıd Epton 23, Sılla Keba 35-mınýtta eki golmen ajýap berdi.
Osylaısha komandalar 2:2 esebine qanaǵat bildirdi.
Aıta ketsek, budan buryn almatylyq «Qaırat» Pavlodardyń «Ertisin» 5:0, Semeıdiń «Elimaıy» jezqazǵandyq «Ulytaýdy» 2:1 esebimen jeńse, «Altaı» (Óskemen) — «Atyraý» 1:1 esebine qanaǵat bildirip tarasty.
Sondaı-aq 17 qazanda óz alańynda «Aqtóbe» Shymkenttiń «Ordabasy» klýbyna 1:3 esebimen ese jiberse, qostanaılyq «Tobyl» Astananyń «Jeńisin» 4:2, kókshetaýlyq «Oqjetpes» Petropavldyń «Qyzyljaryn» 1:0, taldyqorǵandyq «Jetisý» Qyzylordanyń «Qaısaryn» 2:1 esebimen jeńdi.
