QPL: «Astana» elordada «Atyraýdy» qapy qaldyrdy

ASTANA. KAZINFORM - Qazaqstan Premer-lıgasynda jetinshi týry máresine jetti.

Bul týrdaǵy oıyndardy elordada ótken «Astana» - «Atyraý» kezdesýi túıindedi.

Kezdesý barysynda alań ıeleri belsendi oıyn kórsetti. Olar jyldam gol soǵýǵa tyrysty. Nátıjesinde 19-mınýtta Álibek Qasym esep ashsa, 24-mınýtta Ramazan Kárimov mergendik tanytty.

Oıynnyń 88-mınýtynda Álibek Qasym óz qaqpasyna gol soǵyp aldy.

Osylaısha «Astana» qarsylasynan 2:1 esebimen basym túsip, týrnır kestesinde 12 upaımen besinshi orynǵa jaıǵasty.

Aıta ketsek, búgin óz alańynda «Qaırat» (Almaty) - «Elimaı» (Semeı) 2:2 esebine qanaǵat bildirse, qostanaılyq «Tobyl» Aqtaýdyń «Kaspııinen» 2:1, Taldyqorǵannyń «Jetisýy» Jezqazǵannyń «Ulytaýynan» 2:0 esebimen basym tústi.

Sondaı-aq 25 sáýirde shymkenttik «Ordabasy» syrt alańda Petropavldyń «Qyzyljaryn» 2:1, «Aqtóbe» óz alańynda Pavlodardyń «Ertisin» 1:0 esebimen jeńdi. 

Al «Oqjetpes» (Kókshetaý) - «Qaısar» (Qyzylorda) 1:1, «Altaı» (Óskemen) - «Jeńis» (Astana) 0:0 esebine qanaǵat bildirdi.