QPL: «Altaı» óz alańynda «Qaısardy» súrindirdi
ASTANA. KAZINFORM — Búgin fýtboldan Qazaqstan Premer-lıgasy HHV týryndaǵy «Altaı» (Óskemen) — «Qaısar» (Qyzylorda) kezdesýiniń nátıjesi belgili boldy.
Týrnır kestesinde eki komanda irgeles turǵan edi. «Qaısar» 20 upaımen 14, Altaı 19 upaımen 15-orynda keledi. Aıyrmashylyǵy — nebári bir upaı. Oıynda kim jeńiske jetse, týrnır kestesindegi jaǵdaıyn jaqsartyp alady. Sondyqtan kezdesý barysynda jankkúıerler tartysty oıyn kútti.
Kezdesý barysynda óskemendik klýbtan 5-mınýtta Dragan Stoısavlevıch mergendik tanytsa, Seıf Popov 61-mınýtta esepti ústemeleı tústi.
Osylaısha «Altaı» qarsylasynan 2:0 esebimen basym túsip, týrnır kestesinde 22 upaımen on úshinshi orynǵa kóterildi.
Bul týrda keshe, 5 qyrkúıekte 6-týrda bir jáne 25-týrda tórt kezdesý ótti.
Oıyndar nátıjesi
Qazaqstan Premer-lıgasy
6 qyrkúıek, 6-týr
«Kaspıı» (Aqtaý) — «Qaırat» (Almaty) 0:3
25-týr, 6 qyrkúıek
«Oqjetpes» (Kókshetaý) — «Ordabasy» (Shymkent) 2:1
«Aqtóbe» — «Jeńis» (Astana) 1:0
«Jetisý» (Taldyqorǵan) — «Ertis» (Pavlodar) 1:0
«Qyzyljar» (Petropavl) — «Atyraý» 0:1.
Dál qazir «Astana» — «Elimaı» (Semeı), «Tobyl» (Qostanaı) — «Ulytaý» (Jezqazǵan) kezdesýleri ótip jatyr.
