QPL: «Altaı» men «Qyzyljar» teń nátıjege qanaǵat bildirdi
ASTANA. KAZINFORM - Fýtboldan Qazaqstan Premer-lıgasyn HHІ týry birinshi týryndaǵy alǵashqy oıynnyń nátıjesi belgili boldy.
Bul týrdaǵy eki kezdesý keıinge qaldyryldy. Al qalǵan oıyndar 8 jáne 9 tamyz kúnderine belgilengen. Aldymen 8 tamyzda úsh kezdesý ótkizilse, 9 tamyzǵa úsh kezdesý josparlanǵan.
Alǵashqy kezdesýde «Altaı» (Óskemen) - «Qyzyljar» (Petropavl) jasyl alańǵa shyqty.
Oıyn barysynda petropavldyq komandadan Iohannes Bortalıd 45-mınýtta penaltıden esep ashsa, 42-mınýtta óskemendik klýbtan Ibragım Dadaev tarazy basyn teńestirdi.
Al 78-mınýtta «Altaı» sapynan Nıkola ıAmbor óz komandasyn alǵa shyǵarsa, 92-mınýtta Eten Býgre qorytyndy esepti belgiledi.
Osylaısha komandalar 2:2 esebine qanaǵat bildirdi.
Dál qazir «Jetisý» (Taldyqorǵan) - «Ordabasy» (Shymkent) kezdesýi ótip jatyr.
Sondaı-aq búgin 20:00-de «Kaspıı» (Aqtaý) - «Ulytaý» (Jezqazǵan) komandalary kezdesedi.
Erteń, 9 tamyzda 18:00-de «Astana» - «Oqjetpes» (Kókshetaý),19:00-de «Elimaı» (Semeı) - «Ertis» (Pavlodar), 20:00-de «Atyraý» - «Aqtóbe» jasyl alańǵa shyǵady.
Eske salsaq, qazaqstandyq maman Vladımır Chebýrın eki jaqty kelisim boıynsha «Atyraý» fýtbol klýbynyń bas bapkeri qyzmetinen ketti.
