QPL: «Altaı» men «Kaspıı» teń nátıjege qanaǵat bildirdi

ASTANA. KAZINFORM – Qazaqstan Premer-lıgasynyń úshinshi týry máresine jetti.

Bul týrdy «Altaı» (Óskemen) men «Kaspıı» (Aqtaý) komandalary túıindedi. Kezdesý barysynda qarsylastar bir-biriniń qaqpasyna gol soǵatyn múmkindikti izdedi. Degenmen dittegen maqsatyna jete alǵan joq. Osylaısha olar 0:0 esebine qanaǵat bildirdi.

Bul týrdan keıin «Altaı» 2 upaımen 11-orynǵa kóterilse, «Kaspıı» 1 upaımen 15-orynǵa kóterildi.

Endi «Altaı» 4 sáýirde syrt alańda «Ertispen» kezdesse, «Kaspıı» óz alańynda Taldyqorǵannyń «Jetisýyn» qabyldaıdy.

Al tórtinshi týrda óz alańynda «Elimaı» 4 sáýirde qostanaılyq «Tobylmen» oınasa, «Aqtóbe» 5 sáýirde syrt alańda Jezqazǵannyń «Ulytaýymen» sheberlik baıqasady.

Úshinshi týrda semeılik «Elimaı» komandasy «Aqtóbeden» 4:1 esebimen basym tússe, kókshetaýlyq «Oqjetpes» Jezqazǵannyń «Ulytaýyn» 2:1, elordalyq «Astana» Qostanaıdyń «Tobylyn» 2:0 esebimen qapy qaldyrdy. Sondaı-aq shymkenttik «Ordabasy» qyzylordalyq «Qaısardy» 2:0 esebimen jeńdi, al «Jetisý» (Taldyqorǵan) men «Qaırat» (Almaty), «Atyraý» men «Jeńis» (Astana) 0:0, «Qyzyljar» (Petropavl) men «Ertis» (Pavlodar) 2:2 esebimen teń oınady.