QPL: «Altaı» men «Elimaı» teń tarqasty
ASTANA. KAZINFORM — Búgin fýtboldan Qazaqstan Premer-lıgasynyń HHІV týrynda «Altaı» (Óskemen) — «Elimaı» (Semeı) kezdesýiniń nátıjesi belgili boldy.
Elimizdiń shyǵys óńirinde ornalasqan qos klýbtyń kezdesýinde kim jeńiske jetedi degen saýalǵa ázirshe jaýap berý qıynǵa soǵady. Óıtkeni óskemendik komanda Premer-lıgadaǵy ornyn saqtap qalýǵa tyryssa, semeılik ujym tórtinshi orynǵa úmittenip otyr. «Altaı» óz alańynda eshkimge ońaı upaı bere salmaıdy. Al «Elimaı» keıingi bes kezdesýdiń tórteýinde qarsylastaryn qapy qaldyryp ketti. Sol sebepti mamandar bul kezdesýde jeńimpaz kimniń bolatynyn dóp basyp aıta almaı otyr.
Kezdesý barysynda óskemendik klýbtan Dragan Stoıslavevıch 39, Darko Donev 47-mınýtta kózge tússe, oǵan semeılik komandadan Marın Belanchıch 45, Ramazan Orazov 57-mınýtta eki golmen jaýap qaıyrdy.
Osylaısha, komandalar 2:2 esebine qanaǵat bildirip tarasty.
Aıta keteıik, alǵashqy oıyn kúni, 24 qazanda petropavldyq «Qyzyljar» Jezqazǵannyń «Ulytaýyn» 1:0, Kókshetaýdyń «Oqjetpesi» Aqtaýdyń «Kaspııin» 3:0 esebimen qapy qaldyrsa, «Jetisý» (Taldyqorǵan) — «Tobyl» (Qostanaı), «Ordabasy» (Shymkent) — «Jeńis» (Astana) 1:1 esebine qanaǵat bildirdi.
