QPL: «Altaı» men «Atyraý» teń nátıjege qanaǵat bildirdi
ASTANA. KAZINFORM - Fýtboldan Qazaqstan Premer-lıgasynyń keıinge qaldyrylǵan HHІІІ týrynyń ekinshi oıyn kúni, 18 qazanda «Altaı» (Óskemen) - «Atyraý» kezdesýiniń nátıjesi belgili boldy.
Komandalar týrnır kestesinde tómengi oryndarda keledi. Olardyń ekeýi de Premer-lıgadaǵy ornyn saqtap qalý mindetin áli oryndaı qoıǵan joq. Sondyqtan olar alǵashqy mınýttan alǵa qaraı umtylyp, tolassyz shabýylǵa ıek artty.
Oıynnyń 33-mınýtynda «Altaı» sapynan Ibragım Dadaev esep ashsa, oǵan «Atyraý» sapynan Konstantın Dorofeev 92-mınýtta bir golmen jaýap qaıyrdy.
Nátıjesinde komandalar 1:1 esebine qanaǵat bildirip tarasty.
Dál qazir «Elimaı» (Semeı) - «Ulytaý» (Jezqazǵan) kezdesýi ótip jatyr.
Al 18:00-de «Qaırat» (Almaty) - «Ertis» (Pavlodar), 19:00-de «Astana» - «Kaspıı» (Aqtaý) jasyl alańǵa shyǵady.
Aıta ketsek, budan buryn óz alańynda «Aqtóbe» Shymkenttiń «Ordabasy» klýbyna 1:3 esebimen ese jiberse, qostanaılyq «Tobyl» Astananyń «Jeńisin» 4:2, kókshetaýlyq «Oqjetpes» Petropavldyń «Qyzyljaryn» 1:0, taldyqorǵandyq «Jetisý» Qyzylordanyń «Qaısaryn» 2:1 esebimen jeńdi.
