QPL: «Altaı» birinshiliktegi alǵashqy jeńisine qol jetkizdi
ASTANA. KAZINFORM – Qazaqstan Premer-lıgasynyń H týrynyń ekinshi oıyn kúninde eki kezdesýdiń nátıjesi belgili boldy.
Bul kúni Óskemenniń «Altaıy» alǵashqy jeńisine jetti. Olar syrt alańda Petropavldyń «Qyzyljar» komandasymen kezdesti.
Oıyn barysynda olardyń qatarynan aldymen Samıýel Odeoıbo 84-mınýtta esep ashsa, petropavldyq kdýbtan 92-mınýtta Stefan Baoken tarazy basyn teńestirdi. Matchtyń 93-mınýtynda óskemendik klýbtan Danııar Kenjeǵulov jeńis golyn soǵyp ketti. Osylaısha «Altaı» qarsylasynan 2:1 esebimen basym túsip, birinshiliktegi alǵashqy jeńisine qol jetkizdi.
Taǵy bir kezdesýde almatylyq «Qaırat» syrt alańda elordalyq «Jeńisti» 1:2 esebimen qapy qadyrdy.
Dál qazir «Aqtóbe» men «Atyraý», «Qaısar» (Qyzylorda) men «Tobyl» (Qostanaı) kezdesýi ótip jatyr.
Al 20:00-de «Ordabasy» (Shymkent) men «Jetisý» oıyny bastalady.
Eske salsaq, birinshi oıyn kúninde jezqazǵandyq «Ulytaý» Aqtaýdyń «Kaspııin», kókshetaýlyq «Oqjetpes» «Astanany» 1:0 esebimen jeńse, «Ertis» (Pavlodar) pen «Elimaı» (Semeı) 2:2 esebine qanaǵat bildirdi.
