QPL: Alǵashqy úsh oıynda birdeı esep tirkeldi
NUR-SULTAN. QazAqparat - Senbi jáne jeksenbi kúnderi fýtboldan Premer-Lıga komandalary arasyndaǵy Qazaqstan birinshiliginiń 10-týr oıyndary ótip jatyr, dep habarlaıdy QazAqparat tilshisi.
Qazirge deıin úsh oıyn máresine jetti. Dál qazir Nur-Sultan qalasyndaǵy «Astana-arena» stadıonynda Qaraǵandynyń «Shahteri» Taldyqorǵannyń «Jetisý» komandasyn qabyldady.
Esterińizge sala ketelik, Qaraǵandy qalasyndaǵy stadıon oıyn ótkizýge daıyn emes. Sondyqtan «Shahter» óz alańyndaǵy kezdesýlerdi elordada ótkizýge májbúr. Búgingi kezdesýde qaraǵandylyq klýb alǵash bolyp esep ashty. Oıynnyń 2-mınýtynda Jan Alı Paırýz óz komandasyn alǵa shyǵardy. Al 86-mınýtta Ivan Peshıch qorytyndy esepti belgiledi. «Shahter» «Jetisýdy» 2:0 esebimen jeńip ketti.
Sondaı-aq, keshe «Astana» syrt alańda «Tarazdan» 0:2 esebimen jeńilip qaldy. Bul oıynda tarazdyqtar qatarynan Serj Nıýadzı 48, Elgýdja Lobjanıdze 79-mınýttarda gol soqty. Osylaısha «Taraz» 2:0 esebimen jeńiske jetti. Al Pavlodardyń «Ertisi» óz alańynda Shymkenttiń «Ordabasy» klýbynan 0:2 esebimen jeńilip qaldy. Bul kezdesýde shymkenttik Toqtar Jańǵylyshbaı 42, Paýlo Joao 58-mınýtta mergendik tanytty.
Osylaısha alǵashqy úsh kezdesýde birdeı esep tirkeldi.
Búgin taǵy úsh kezdesý ótedi. Saǵat 18.00-de Qyzylordada «Qaısar» Qostanaıdyń «Tobylyn» qabyldasa, 19.00-de «Aqtóbe» «Oqjetpespen», «Atyraý» «Qaıratpen» kezdesedi.
