QPL: Alǵashqy eki oıynda teń nátıje tirkeldi
QYZYLORDA. QazAqparat - Búgin elimizdiń bes qalasynda fýtboldan Premer-lıga komandalary arasyndaǵy el birinshiliginiń kezekti týry ótip jatyr, dep habarlaıdy QazAqparat tilshisi.
Osyndaı oıynnyń biri Qyzylorda qalasynda ótti. Onda jergilikti «Qaısar» klýby «Atyraý» komandasyn qabyldady. Bul kezdesý tartysqa toly boldy. Oıynda qos komanda tórt gol soqty. Olardyń barlyǵy ekinshi kezeńde soǵyldy. Aldymen «Atyraý» alǵa shyqty. Áýelete bergen dopty syrtqa shyǵarýǵa umtylǵan Toqtar Jańǵylyshbaı 67-mınýtta óz qaqpasyna soǵyp aldy. Arada 10 mınýttaı ótkende «Atyraý» qaqpasyna penaltı belgilendi. Ony qyzylordalyq Ashat Taǵybergen múltiksiz oryndady. Al 84-mınýtta tabloda 2:1 esebi janyp turdy. «Qaısar» oıynshysy Abdel Azız Lamanj berilgen buryshtama dobyn qaqpaǵa baspen engizip, óz komandasyn alǵa shyǵardy. Degenmen alań ıeleri bul esepti oıyn sońyna deıin ustap tura alǵan joq. 87-mınýtta «Atyraý» sapynan Alekseı Rodıonov gol soǵyp, qorytyndy esepti belgiledi. Esep 2:2.
Osy oıynmen qatar Taldyqorǵanda jergilikti «Jetisý» men Qaraǵandynyń «Shahter» komandalary kezdesip, ol 1:1 esebimen teń aıaqtaldy. Bul kezdesýde «Shahterden» Gevorg Nadjarıan shols oqsa, oǵan 70-mınýtta Rýslan Stepanıýk jaýap aqıyrdy. Esep 1:1.
Qazir elimizdiń úsh qalasynda oıyn ótip jatyr. «Aqjaıyq» pen «Qyzyljar», «Ordabasy» men «Qaırat», «Tobyl» men «Ertis» komandalary kezdesýde.
