QPL: Álibek Qasymnyń goly «Aqtóbege» jeńis syılady

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonaty 8-týrynda «Aqtóbe» semeılik «Elimaıdy» jeńdi.

Týrnır kestesinde qatarlas kele jatqan komandalar tartysty oıyn ótkizdi. Jankúıerler atalǵan kezdesýge erekshe qyzýǵyshylyq týǵyzdy. Oǵan qosa semeılik klýbtyń bas bapkeri Andreı Karpovıch 2022-2023 jyldarda aqtóbelik klýbqa jetekshilik jasaǵan edi. 

Oıynnyń 55-mınýtynda Álibek Qasym soqqan gol «Aqtóbe» komandasyna jeńis alyp keldi.
Osylaısha aqtóbelik klýb qarsylasynan 1:0 esebimen basym túsip, týrnır kestesinde 14 upaımen ekinshi orynǵa kóterildi.

Aıta ketsek, búgin kókshetaýlyq «Oqjetpes» syrt alańda Taldyqorǵannyń «Jetisýyn» 3:1 esebimen súrindirse, óz alańynda shymkenttik «Ordabasy» qyzylordalyq «Qaısardy» 5:0 esebimen tize búktirdi. 

Keshe, 10 mamyrda elordalyq «Astana» óz alańynda qostanaılyq «Tobylǵa» 1:3 esebimen ese jiberdi. 

Atalǵan týrda petropavldyq «Qyzyljar» óz alańynda jezqazǵandyq «Ulytaý» klýbyn 2:1, túrkistandyq «Turan» «Atyraýdy» 1:0 esebimen jeńdi.