QPL: Alań ıeleri qonaqtarǵa qaýqar kórsete almady
QYZYLORDA. QazAqparat - Búgin elimizdiń 5 qalasynda fýtboldan Premer-lıga komandalary arasyndaǵy el birinshiliginiń 30-týr oıyndary ótti, dep habarlaıdy QazAqparat tilshisi.
Aıta keteıik, bul týrda alty oıynnyń birinde ǵana alań ıeleri jeńiske jetti. Qalǵan oıyndarda 2-i qonaqtardyń 3-i teń nátıjemen aıaqtaldy.
Qyzylordanyń «Qaısary» syrt alańda Pavlodardyń «Ertis» komandasymen kezdesti. «Qaısar» sapynan 20-mınýtta Aleksandr Marochkın jeńis dobyn soqty. Budan keıin eki komanda tarapynan birneshe qaýipti sát boldy. Degenmen ol múmkindikter golǵa aınalǵan joq.
Petropavldyń «Qyzyljary» men Taldqyorǵannyń «Jetisý» komandalary teń tústi. Esep 1:1. «Jetisý» sapynan Mantas Kýklıs esep ashsa, 67-mınýtta Ýorsh Delıch esepti teńestirdi.
Qaraǵandyda «Shahter» «Aqtóbeden» 0:1 esebimen jeńildi. Bul oıynda aqtóbelik Hrvoe Mılıchevıch mergendik tanytty.
«Qaırat» pen «Tobyl» arasyndaǵy kezdesýde esep ashylǵan joq. «Astana» «Qaırattan» 10 upaıǵa uzap ketti.
Óz alańynda «Atyraý» Oraldyń «Aqjaıyǵyn» 2:1 esebimen tize búktirdi. «Atyraý» sapynan Babatýnde Atenıdjı 39 jáne 57-mınýttarda gol soqsa, oǵan «Atyraý» oıynshysy Malık Mane bir golmen jaýap qaıyrdy.
Keshe, 20 qazanda óz alańynda «Astana» Shymkenttiń «Ordabasy» klýbymen 1:1 esebimen teń tústi.
Kelesi týr 27 qazanda jalǵasady. Bul týrda «Qaırat» pen «Ertis», «Tobyl» men «Astana», «Ordabasy» men «Shahter», «Jetisý» men «Atyraý», «Aqjaıyq» pen «Qaısar», «Aqtóbe» men «Qyzyljar» kezdesedi.
