QPL: «Aqjaıyq» premer-lıgadan túsip qaldy
QYZYLORDA. QazAqparat - Búgin, elimizdiń alty qalasynda fýtboldan Premer-lıga komandalary arasyndaǵy el birinshiliginiń 32-týr oıyndary ótip jatyr. Qazirge deıin bes oıyn aıaqtaldy, dep habarlaıdy QazAqparat tilshisi.
Qyzylordada «Qaısar» Taldyqorǵannyń «Jetisý» komandasyn qabyldady. Qos komanda týrnır kestesinde qatar tur. Búgingi oıynda ekeýiniń biri jeńgen jaǵdaıda ol komandanyń tórtinshi orynǵa kóterilý múmkindigi arta túsetin edi. Ol oryn keler jyly eýrokýbok oıyndaryna qatysýǵa jol ashýy yqtımal. Sondyqtan bul kezdesý tartysty ótti dep aıta alamyz. Bıyl qos komanda eki márte kezdesti. Onyń birinde «Jetisý» 1:0 esebimen basym tússe, endigi birinde 0:0 esebi tirkeldi. «Qaısar» sol sebepti búgin jeńiske jetý jolyn izdedi. Alań ıeleri 51-mınýtta esep ashty. Ony «Qaısardyń» jartylaı qorǵaýshysy Vladımır Arjanov óziniń enshisine jazdy. Oıyn 1:0 esebimen máresine jetti.
«Atyraý» men «Aqtóbe» arasyndaǵy kezdesýde kóp gol soǵyldy. Alǵashqy goldy 16-mınýtta Predrag Sıkımıch soqty. Arada tórt mınýt ótkende atyraýlyq ıÝrıı Pertsýh óz qaqpasyna gol soǵyp aldy. Ekinshi kezeńniń 58-mınýtta Predrag Sıkımıch qarsylastar qaqpasyn ekinshi márte dál kózdedi. Al 66-mınýtta «Atyraý» sapynan Qýanysh Qalmuratov qanjyǵasyn maılady. Esep 3:1.
«Qyzyljar» men «Ordabasy» arasyndaǵy oıynda bas-aıaǵy eki mınýttyń ishinde jankúıerler qos gol tamashalap úlgerdi. Aldymen 66-mınýtta «Ordabasy» shabýylshysy Jasulan Moldaqaraev esep ashsa, alań ıeleri sapynan Tımýr Mýldınov 68-mınýtta tarazy basyn teńestirdi. Al 90-mınýtta Nemanıa Koıch «Ordabasyǵa» jeńis syılady.
«Shahter» men «Tobyl» komandalary arasyndaǵy kezdesýde qaraǵandylyqtar shabýylǵa kóbirek shyǵýǵa tyrysty. Óıtkeni, qazir «Shahter» úshin birinshi lıgaǵa túsip qalý jaǵdaıy týyp tur. Olardyń sapynan Gegam Arýtıýnıan 41-mınýtta esep ashty. 76-mınýtta «Shahter» oıynshysy Damır Koıashevıch esepti ulǵaıtty. Esep 2:0.
«Ertis» pen «Aqjaıyq» arasyndaǵy kezdesýde gol 66-mınýtta soǵyldy. Bul joly «Ertis» sapynan Pavel Shabalın mergendik tanytty. Al 80-mınýtta «Ertis» sapynan Abel Kamara gol soqty. Esep 2:0.
Aıta keteıik, bıyl birinshi lıgadan «Oqjetpes» pen «Taraz» komandalary Premer-lıgaǵa joldama alyp úlgerdi. Al «Aqjaıyq» keler jyly birinshi lıgada synǵa túsetin bolady. Endi olardyń qataryn «Shahter», «Ertis» jáne «Qyzyljar» komandalary tolyqtyrýy múmkin. Ol komanda sońǵy týrda belgili bolady.
Dál qazir elordada «Astana» men «Qaırat» komandalary kezdesedi. Bul oıyn 17-00-de bastaldy.
Endi komandalar bir týr ǵana oınaıdy. Atap aıtqanda, 11 qarashada «Astana» men «Ertis», «Jetisý» men «Aqjaıyq», «Qaırat» pen «Shahter», «Ordabasy» men «Atyraý», «Tobyl» men «Qyzyljar», «Aqtóbe» men «Qaısar» oınaıdy.
Osy aptanyń sársenbisinde keıinge qaldyrylǵan 23-týr oıyndary bolyp ótti.
