QPL: «Aqtóbe» týrnır kestesinde besinshi orynǵa kóterildi
ASTANA. KAZINFORM — Búgin fýtboldan Qazaqstan Premer-lıgasy HHV týryndaǵy taǵy eki kezdesýdiń nátıjesi belgili boldy.
Eki kezdesýdiń birinde «Aqtóbe» — «Jeńis» (Astana) komandalary sheberlik baıqasty.
Aqtóbelik komanda bıyl óz jankúıerlerin qýanta almaı keledi. Ótken týrda syrt alańda «Ertisten» jeńilip qalǵan olar sol olqylyqtyń ornyn toltyrýǵa tyrysady. Alǵashqy aınalymda elordada «Jeńis» 1:0 esebimen basym túsken edi. Aqtóbelik klýb búgin ese qaıtarýǵa kúsh saldy.
Kezdesý barysynda olardyń qatarynan Artýr Shýshenachev 41-mınýtta mergendik tanytty.
Osylaısha «Aqtóbe» qarsylasynan 1:0 esebimen basym túsip, 38 upaımen besinshi orynǵa kóterildi.
Sondaı-aq taǵy bir oıynda taldyqorǵandyq «Jetisý» óz alańynda Pavlodardyń «Ertisinen» 1:0 esebimen basym tústi.
Sondaı-aq búgin syrt alańda almatylyq «Qaırat» Aqtaýdyń «Kaspııin» 3:0 esebimen jeńse, «Ordabasy» Kókshetaýdyń «Oqjetpesine» 1:2 esebimen ese jiberdi.
Dál qazir 25-týrdaǵy «Qyzyljar» (Petropavl) — «Atyraý» kezdesýi ótip jatyr.
Al 6 qyrkúıekte «Altaı» (Óskemen) — «Qaısar» (Qyzylorda), «Astana» — «Elimaı» (Semeı), «Tobyl» (Qostanaı) — «Ulytaý» (Jezqazǵan) oınaıdy.
