QPL: «Aqtóbe» tórtinshi orynǵa kóterildi

ASTANA. KAZINFORM — Fýtboldan Premer-lıga komandalary arasyndaǵy el birinshiliginiń HHІІ týrynda taǵy bir oıynnyń nátıjesi belgili boldy.

Bul týrdy «Aqtóbe» men «Jetisý» (Taldyqorǵan) komandalary túıindedi.

Kezdesý barysynda aqtóbelik klýb tizgindi óz qolynda ustaýǵa tyrysty. Komanda quramyna jazǵy maýsymda qosylǵan qazaqstandyq shabýylshy Artýr Shýshenachevtiń belsendiligi baıqalyp turdy. Ol aldymen 36-mınýtta mergendik tanytsa, odan keıin 52-mınýtta taǵy bir márte qaqpany dál kózdedi.

Oıynnyń 87-mınýtynda «Jetisý» sapynan Jansultan Muhamethanov penaltıden múlt ketpese, 90-mınýtta aqtóbelik klýbtan Ýche Agbo basymdyqty arttyrdy. 

Al 95-mınýtta taldyqorǵandyq fýtbolshy Sultan Asqarov soqqan gol kezdesýdiń núktesin qoıdy.

Osylaısha «Aqtóbe» qarsylasynan 3:2 esebimen basym túsip, týrnır kestesinde 39 upaımen tórtinshi orynǵa kóterildi.

Atlǵan týrda, búgin, 24 tamyzda jezqazǵandyq «Ulytaý» óz alańynda shymkenttik «Ordabasyny» 2:1 esebimen súrindirdi.

Atalǵan týrdaǵy «Oqjetpes» (Kókshetaý) men «Qaırat» (Almaty) kezdesýi 31 tamyzǵa shegerildi. Bul sheshim almatylyq klýbtyń eýrokýbok oıyndaryna qatysýyna baılanysty qabyldanyp otyr.

Atalǵan týrdaǵy «Oqjetpes» (Kókshetaý) men «Qaırat» (Almaty) kezdesýi 31 tamyzǵa shegerildi. Bul sheshim almatylyq klýbtyń eýrokýbok oıyndaryna qatysýyna baılanysty qabyldanyp otyr.

Endi 23 týr oıyndary 13 jáne 14 qyrkúıek kúnderi ótkiziledi.