QPL: «Aqtóbe» syrt alańda «Qaısardy» jeńdi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan birinshiliginiń 19-týryndaǵy eki oıyn ótkizildi, dep habarlaıdy QazAqparat tilshisi.
Alǵashqy oıyn Qaraǵandy qalasynda boldy. Jergilikti «Shahter» óz alańynda Kókshetaýdyń «Oqjetpesin» qabyldady. Kezdesý taǵdyryn jalǵyz gol sheshti. Ony 57-mınýtta Evgenıı Tkachýk sheber oryndady. Qarsylasynan 1:0 esebimen basym túsken qarǵandylyq fýtbolshylar týrnır kestesinde altynshy orynǵa kóterildi.
Ótken týrda syrt alańda Almatynyń «Qaıratynan» oısyraı jeńilgen Qyzylordanyń «Qaısary» áli es jııa qoımaǵan sekildi. Búgin olar óz alańynda týrnır kestesinde sońǵy orynda kele jatqan «Aqtóbe» komandasyna 0:1 esebimen jol berdi. Kezdesýdegi jalǵyz goldy 41-mınýtta aqtóbelik Ardaq Sáýlet soqty.
Atalmysh týrdaǵy qalǵan úsh oıyn 21 shildede ótkiziledi. Bul kúni «Tobyl» men «Qaırat», «Atyraý» men «Ordabasy», «Taraz» ben «Jetisý» komandalary kezdesedi. Al atalmysh týrdaǵy «Ertis» pen «Astana» arasyndaǵy oıyn 15 mamyrda ótkizilip, onda elordalyq klýb syrt alańda 4:0 esebimen jeńiske jetti.
