QPL: «Aqtóbe» syrt alańda «Jeńiske» ese jiberdi

ASTANA. KAZINFORM — Fýtboldan Qazaqstan Premer-lıgasynyń VI týry máresine jetti.

Bul týrda «Aqtóbe» komandasy syrt alańda elordalyq «Jeńis» komandasyna 0:1 esebimen ese jiberdi. Astanalyq klýb sapynan Saǵadat Tursynbaı soqqan jalǵyz gol kezdesý taǵdyryn sheshti. 

Taǵy bir oıynda «Atyraý» Petropavldyń «Qyzyljaryna» 0:1 esebimen jeńilse, «Qaısar» (Qyzylorda) — «Altaı» (Óskemen) 1:1 esebine qanaǵat bildirdi.

19 sáýirdegi taǵy bir oıynda «Tobyl» syrt alańda Jezqazǵannyń «Ulytaýynan» 1:2 esebimen jeńilip qaldy.

Bul týrda 18 sáýirde «Elimaı» (Semeı) — «Astana» 2:2 esebine qanaǵat bildirse, pavlodarlyq «Ertis» óz alańynda Taldyqorǵannyń «Jetisýyna» 1:2 esebimen ese jiberdi.

Sondaı-aq óz alańynda almatylyq «Qaırat» Aqtaýdyń «Kaspııinen» 2:0, shymkenttik «Ordabasy» Kókshetaýdyń «Oqjetpesinen» 2:1 esebimen basym tústi.