QPL: «Aqtóbe» syrt alańda «Ulytaýmen» teń oınady

ASTANA. KAZINFORM - Qazaqstan Premer-lıgasynda tórtinshi týrynda «Ulytaý» men «Aqtóbe» teń nátıjege qanaǵat bildirdi.

Bıyl «Aqtóbe» birinshilikti sátsiz bastady. Alǵashqy úsh týrda nebári úsh upaı jınaǵan edi. Esesine jezqazǵandyq komanda óz alańynda kez-kelgen qarsylasyna laıyqty deńgeıde tótep berip júr. Qazirge deıin bireýinde jeńip, taǵy bir kezdesýde teń tússe, endi birinde ese jiberdi.
Bul joly da aqtóbelik klýbpen terezesi teń deńgeıde oıyn kórsetti. Tek qorǵanysqa kóńil bólmeı, qarsy shabýylǵa shyqty. Osyndaı sáttiń birinde jezqazǵandyq klýbtan Beka Vachıberadze 71-mınýtta mergendik tanytsa, 81-mınýtta aqtóbelik klýbtan Danıel Sosa bir golmen jaýap qaıyrdy.
Osylaısha komandalar 1:1 esebine qanaǵat bildirdi.

Endi «Ulytaý» 12 sáýirde syrt alańda «Altaımen» kezdesse, sol kúni «Aqtóbe» Túrkistanda «Kaspıımen» jasyl alańǵa shyǵady. 

Dál qazir «Kaspıı» (Aqtaý) - «Jetisý» (Taldyqorǵan) kezdesýiniń birinshi kezeńinen keıin 0:0 esebi tirkeldi. 

Al 18:00-de «Qaırat» (Almaty) - «Astana» oıyny bastalsa, 19:00-de «Jeńis» (Astana) - «Oqjetpes» (Kókshetaý) jasyl alańǵa shyǵady.

Aıta ketsek, bul týrda 4 sáýirde Pavlodardyń «Ertisi» óskemendik «Altaıdan» 1:0, Semeıdiń «Elimaıy» qostanaılyq «Tobyldan» 1:0 esebimen basym tústi.

Sondaı-aq «Qaısar» (Qyzylorda) men «Qyzyljar» (Petropavl) 0:0, «Ordabasy» (Shymkent) men «Atyraý» 1:1 esebine qanaǵat bildirgen edi.