QPL: «Aqtóbe» syrt alańda «Kaspııden» basym tústi
ASTANA. KAZINFORM - Fýtboldan Qazaqstan Premer-lıgasynda HHVІ týrynyń alǵashqy oıynynyń nátıjesi belgili boldy.
Bul týrdaǵy birinshi kezdesýde «Kaspıı» (Aqtaý) - «Aqtóbe» komandalary sheberlik baıqasty. Oıyn basynan aqtóbelik fýtbolshylar belsendilik tanytty. Nátıjesinde olardyń qatarynan 39-mınýtta Danıel Sosa mergendik tanytyp, óz komandasyn alǵa shyǵardy.
Ekinshi kezeńde de qos komanda esepti ózgertýge kúsh saldy. Oıynnyń 72-mınýtynda aqtóbelik klýbtan Olývaseıı Odjo basymdyqty arttyrsa, 87-mınýtta «Kaspıı» sapynan Bernardo Morgado esep aıyrmasyn qysqartty.
Osylaısha «Aqtóbe» syrt alańda qarsylasynan 2:1 esebimen basym tústi.
Dál qazir «Elimaı» (Semeı) - «Jetisý» (Taldyqorǵan), «Ordabasy» (Shymkent) - «Astana», «Jeńis» (Astana) - «Qyzyljar» (Petropavl) oınasa, 20:00-de «Qaısar»(Qyzylorda) - «Atyraý» sheberlik baıqasady.
Sondaı-aq 13 qyrkúıekte 16:00-de «Ertis» (Pavlodar) - «Oqjetpes» (Kókshetaý), 17:00-de «Ulytaý» (Jezqazǵan) - «Altaı» (Óskemen), 19:00-de «Qaırat» (Qyzylorda) - «Tobyl» (Qostanaı) jasyl alańǵa shyǵady.
