QPL: «Aqtóbe» syrt alańda «Elimaıǵa» jol berdi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HH týryndaǵy taǵy eki oıynnyń nátıjesi anyqtaldy.

Jankúıerler tarapynan «Elimaı» (Semeı) men «Aqtóbe» kezdesýine qyzyǵýshylyq erekshe boldy. Týrnır kestesinde qatarlas kele jatqan eki komandanyń oıyny tartysty ótetini anyq edi. 

Match aqtóbelik fýtbolshylar úshin sátti bastaldy. Olardyń qatarynan Jaıro Jan 27-mınýtta esep ashty. Ekinshi kezeńde «Elimaı» sapynan Ǵalymjan Kenjebek 53, 64-mınýtta eki gol soǵyp, jeńisti julyp alyp ketti.

Osylaısha semeılik klýb qarsylasynan 2:1 esebimen basym túsip, týrnır kestesindegi jaǵdaıyn jaqsarta tústi.

Taǵy bir kezdesýde «Qaısar» (Qyzylorda) men «Ordabasy» (Shymkent) 1:1 esebi tirkeldi.

Atalǵan týrdaǵy «Tobyl» (Qostanaı) men «Astana» kezdesýi 19 qyrkúıekke shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.

Aldyn ala ótkizilgen oıynda elordalyq «Jeńis» Almatynyń «Qaıratyna» 1:2 esebimen jol berdi.

Aıta ketsek, 9 tamyzda kókshetaýlyq «Oqjetpes» Taldyqorǵannyń «Jetisý» klýbyna 1:2 esebimen jol berse, «Ulytaý» (Jezqazǵan) men «Qyzyljar» (Petropavl), «Atyraý» men «Turan» 1:1 esebine qanaǵat bildirdi.