QPL: «Aqtóbe» óz alańynda «Jeńisten»jeńilip qaldy

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HІH týrynyń ekinshi oıyn kúni aıaqtaldy.

Bul kúni atalǵan týrdaǵy úsh oıyn ótkizildi. Jankúıerler kútpegen nátıjeler tirkeldi.

Týrnır kestesinde úzdik úshtikten kórinýdi aldyna maqsat etken «Aqtóbe» oılamaǵan jerden óz alańynda elordalyq «Jeńis» komandasyna 0:2 esebimen jol berdi.

Al týrnır kestesinde kósh sońynda kele jatqan «Atyraý» bul joly syrt alańda Shymkenttiń «Ordabasy» komandasymen 2:2 esebimen teń tússe, Taldyqorǵannyń «Jetisýy» óz alańynda túrkistandyq «Turandy» 1:0 esebimen jeńdi.

Atalǵan týrdaǵy «Astana» men «Qaısar» (Qyzylorda) kezdesýi belgisiz merzimge keıinge shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.

Aıta ketsek, 2 tamyzda «Oqjetpes» (Kókshetaý) pen «Elimaı» (Semeı) 1:1 esebimen teń tústi.

Sondaı-aq syrt alańda Qostanaıdyń «Tobyly» syrt alańda Petropavldyń «Qyzyljaryn» 2:0, almatylyq «Qaırat» óz alańynda jezqazǵandyq «Ulytaýdy» 1:0 esebimen qapy qaldyrdy.

Endi aldaǵy týr oıyndary 9 jáne 10 tamyz kúnderi ótkiziledi.