QPL: «Aqtóbe» óz alańynda «Qaısardy» iri eseppen jeńdi
ASTANA. KAZINFORM - Fýtboldan Qazaqstan Premer-lıgasynyń ІH týryn «Aqtóbe» men «Qaısar» (Qyzylorda) túıindedi.
Aqtóbelik klýb maýsym basynda bas júldeden úmitker retinde sanalǵan edi. Dese de dop dodasynda sátsiz oıyn kórsetip, týrnır kestesindegi jaǵdaıyn birshama qıyndatyp aldy.
Birinshi kezeńde komandalar bir-biriniń qaqpasynan sańylaý taba alǵan joq. Esesine ekinshi kezeńde alań ıeleri qatarynan úsh gol soǵyp ketti. «Qaısar» sapynan Alııar Muhamed 49, Salamat Jumabekov 93-mınýtta avtogol soqsa, Artýr Shýshenachev 89-mınýtta óz múmkindigin múlt jibergen joq. Osylaısha «Aqtóbe» qarsylasynan 3:0 esebimen basym túsip, týrnır kestesinde 13 upaımen jetinshi orynǵa kóterildi.
Oıyndar nátıjesi
9 mamyr
«Oqjetpes» (Kókshetaý) - «Atyraý» (Almaty) 0:0
«Jetisý» (Taldyqorǵan) - «Jeńis» (Astana) 2:3
«Elimaı» (Semeı) - «Kaspıı» (Aqtaý) 0:1
«Astana» - «Qyzyljar» (Petropavl) 2:1
«Tobyl» (Qostanaı) - «Ertis» (Pavlodar) 1:0
10 mamyr
«Ulytaý» (Jezqazǵan) - «Qaırat» (Almaty) 1:1
«Altaı» (Óskemen) - «Ordabasy» (Shymkent) 0:0
«Aqtóbe» - «Qaısar» (Qyzylorda) 3:0.
Endi aldaǵy týr oıyndary 16 jáne 17 mamyr kúnderi ótkiziledi.
Aıta ketsek, budan buryn «Qaırat» pen «Ordabasy» syrt alańda upaı joǵaltty.
