QPL: «Aqtóbe» men «Tobyl» teń nátıjege qanaǵat bildirdi

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HVII týry máresine jetti.

Bul týrdaǵy basty kezdesýdiń biri «Aqtóbe» men «Tobyl» (Qostanaı) arasynda ótti.

Týrnır kestesinde qatarlas kele jatqan qos ujym jylma-jyl tartysty oıyn ótkizedi. Dese de sońǵy jyldarda qostanaılyq klýb qatarynan bes márte jeńiske jetti. Jankúıerler kókeıinde búgin «Aqtóbe» sol ketken eseni qaıtara ma degen úmit te boldy.

Oıyn barysynda komandalar bir-birine jıi shabýyl uıymdastyrdy. Soǵan qaramastan qaqpa qulpy ashylǵan joq. Komandalar 0:0 esebine qanaǵat bildirdi.

Taǵy bir kezdesýde taldyqorǵandyq «Jetisý» Shymkenttiń «Ordabasysyn», «Jetisý» petropavldyq «Qyzyljardy» 1:0 esebimen jeńdi.

Al 19 shildede semeılik «Elimaı» elordalyq «Jeńiske» 1:2 esebimen jeńilse, «Qaırat» (Almaty) pen «Qaısar» (Qyzylorda) 1:1 esebimen teń tústi. Taǵy bir kezdesýde kókshetaýlyq «Oqjetpes» Jezqazǵannyń «Ulytaýyn» 1:0 esebimen jeńdi.

Bul týrda 18 shildede ótken oıynda «Astana» óz alańynda Túrkistannyń «Turanyn» 7:0 esebimen tize búktirdi.