QPL: «Aqtóbe» men «Atyraý» teń nátıjege qanaǵat bildirdi
AQTÓBE. KAZINFORM – Qazaqstan Premer-lıgasynyń H týrynda «Aqtóbe» men «Atyraý» komandalary kezdesip, 1:1 esebimen teń tarqasty.
Jankúıerler tarapynan elimizdiń batys óńirinde ornalasqan eki qala komandalarynyń kezdesýine aıryqsha qyzyǵýshylyq bolǵany ras. Týrnır kestesinde qatarlas kele jatqan olar jeńiske jetýge bar kúshin salatyny anyq edi.
Oıyn barysynda qarsylastar bir-biriniń qaqpasynyń mańynan jıi boı kórsetti. Nátıjesinde 56-mınýtta «Atyraý» sapynan ıAn Trýfanov esep ashsa, 65-mınýtta aqtóbelik klýbtan Vıtalıı Latýrnıs tarazy basyn teńestirdi. Osylaısha komandalar 1:1 esebimen teń tústi.
Dál qazir «Qaısar» (Qyzylorda) men «Tobyl» (Qostanaı), «Ordabasy» (Shymkent) men «Jetisý» kezdesýi ótip jatyr.
Búgin syrt alańda óskemendik «Altaı» Petropavldyń «Qyzyljarynan» basym túsip, alǵashqy jeńisine qol jetkizse, almatylyq «Qaırat» elordalyq «Jeńisti» 2:1 esebimen tize búktirdi.
Eske salsaq, birinshi oıyn kúninde jezqazǵandyq «Ulytaý» Aqtaýdyń «Kaspııin», kókshetaýlyq «Oqjetpes» «Astanany» 1:0 esebimen jeńse, «Ertis» (Pavlodar) pen «Elimaı» (Semeı) 2:2 esebine qanaǵat bildirdi.
