QPL: «Aqtóbe» men «Astana» teń tarqasty

ASTANA. KAZINFORM - Fýtboldan Qazaqstan Premer-lıgasynyń VII týrynda «Aqtóbe» men «Astana» komandalary kezdesti.

Qos komanda jyl saıyn júldeli oryndarǵa talasady. Bıyl da aldaryna úlken maqsat qoıyp, birinshilik jeńimpazy atanýǵa talpynǵan elimizdegi eki úzdik klýb qarsylastaryna ese jiberip, upaı qoryn molaıta almaı júr. Bul joly qos myqty úsh upaı úshin jasyl alańda aıanyp qalǵan joq.

Kezdesýdiń 23-mınýtynda «Astana» sapynan Islambek Qýat gol soǵyp, komandasyn esepte alǵa shyǵarǵan. Degenmen ol 41-mınýtta qyzyl qaǵaz alyp, alańnan qýylyp, elordalyq klýbty qıyn jaǵdaıda qaldyrdy. 

Ármen qaraı óz qaqpasyna gol ótkizip alǵan aqtóbelik komanda shabýylǵa jıi shyqty. Olar tarazy basyn teńestirýge umtyldy. Oıynnyń 77-mınýtta aqtóbelik jartylaı qorǵaýshy Idrıs Ýmaev alystan qaqyrata soqqy baǵyttap, elordalyq qaqpashy Aleksandr Zarýtskııdi qapy qaldyrdy. 

Tartysty ótken kezdesýde 1:1 esebi tirkeldi.

«Qaırat» «Atyraýdy», «Tobyl» «Jetisýdy» 1:0 esebimen jeńip, týrnır kestesinde úshinshi orynǵa kóterildi. Al, Qostanaıdyń «Tobyly» óz alańynda Taldyqorǵannyń «Jetisýyn», «Turan» «Qyzyljardy» 1:0, «Elimaı» «Jeńisti» 2:1 esebimen jeńdi. 

Atalǵan týrdy erteń, 5 mamyrda 19:00-de «Shahter» men «Qaısar» komandalary túıindeıdi. 

Eske sala keteıik, buǵan deıin búgin fýtboldan el birinshiliginiń VII týry bastalatynyn jazǵan edik.