QPL: «Aqtóbe» — «Kaspıı» kezdesýi taǵdyryn jalǵyz gol sheshti
ASTANA. KAZINFORM — Búgin Qazaqstan Premer-lıgasynyń V týry máresine jetti.
Bul týrdaǵy sońǵy oıyndy «Aqtóbe» — «Kaspıı» (Aqtaý) komandalary túıindedi.
Aqtóbelik klýb bıylǵy birinshilikti sátsiz bastady. Alǵashqy tórt týrda nebári tórt upaı jınaǵan komanda endi árbir kezdesýde úsh upaı oljalaýǵa kúsh salatyny anyq.
Búgingi kezdesý barysynda olar alǵashqy mınýttan jyldam soǵatyn múmkindikti izdedi. Degenmen aqtóbelik klýb «Kaspıı» qaqpasyna penaltıden gol soqty. Ony shabýylshy Artýr Shýshenachev múltiksiz oryndaı bildi.
Osylaısha «Aqtóbe» qarsylasynan 1:0 esebimen basym tústi.
11 sáýir
«Atyraý» — «Qaısar» 2:0
«Jetisý» — «Elimaı» 0:1
«Tobyl» — «Qaırat» 1:1
«Astana» — «Ordabasy» 1:1
12 sáýir
«Oqjetpes» — «Ertis» 2:1
«Altaı» — «Ulytaý» 1:2
«Qyzyljar» — «Jeńis» 4:0
«Aqtóbe» — «Kaspıı».
Endi aldaǵy týr oıyndary 18 jáne 19 sáýir kúnderi ótkiziledi.
Aldymen 18 sáýirde «Ertis» pen «Jetisý», «Elimaı» men «Astana», «Ordabasy» men «Oqjetpes» sheberlik baıqasady.
Al 19 sáýirde «Ulytaý» men «Tobyl», «Atyraý» men «Qyzyljar», «Qaısar» men «Altaı», «Jeńis» pen «Aqtóbe» oınaıdy.
Bul týrdaǵy «Qaırat» pen «Kaspıı» kezdesýi 5 qyrkúıekke shegerildi.
