QPL: «Aqtóbe» «Ertisten» basym tústi
ASTANA. QazAqparat - Elimizdiń alty qalasynda ótken fýtboldan Premer-lıga komandalary arasyndaǵy el birinshiliginiń 25-týryn «Aqtóbe» men «Ertis» komandalary túıindedi, dep habarlaıdy QazAqparat tilshisi.
Aqtóbe qalasynda ótken oıynda alań ıeleri basymdyǵyn tanytty. «Ertis» ótken týrda syrt alańda «Ordabasy» klýbyn 2:0 esebimen súrindirgen edi. Odan buryn pavlodarlyq ujym 10 oıyn boıy jeńiske jete almaı kelgen edi. Sondyqtan bul joly da olar úsh upaı oljalap qaıtýǵa nıet tanytqany anyq.
Alań ıeleri alǵashqy bolyp esep ashty. Alǵashqy gol 24-mınýtta soǵyldy. Bıylǵy birinshilik barysynda úzdik surmergen atanyp júrgen Markos Pızzellı bul joly da qanjyǵasyn maılap, bıylǵy dop dodasyndaǵy óziniń 18 golyn engizdi. Al 66-mınýtta Reınaldo esepti eseleı tústi. Esep 2:0. Oıyn osy eseppen aıaqtaldy.
Esterińizge sala ketelik, budan basqa elimizdiń bes qalasynda kezekti týr oıyndary oınaldy.
Kelesi týr oıyndary 30 qyrkúıekte ótedi. Bul kúni «Astana» men «Jetisý», «Ertis» pen «Atyraý», «Qaırat» pen «Atyraý», «Qyzyljar» men «Qaısar», «Tobyl» men «Ordabasy», «Shahter» men «Aqjaıyq» komandalary kezdesedi.
