QPL-2024: «Tobyl» týrnır kestesinde birinshi orynǵa kóterildi

ASTANA. KAZINFORM - Fýtboldan Qazaqstan Premer-lıgasynyń ekinshi týrynda qostanaılyq «Tobyl» Semeıdiń «Elimaıyn» jeńip ketti.

Kezdesý barysynda semeılik klýb jyldam gol soqty. Ony Ndıp Tamb Rober 1-mınýtta óziniń enshisine jazsa, odan keıin qostanaılyq klýbtan Igor Ivanovıch 26-mınýtta tarazy basyn teńestirip ketti.

Al 30-mınýtta Evgenıı Shahov «Tobyldy» alǵa shyǵarsa, semeılik klýbtan Alvesh Dos Santos Rodjerıonyń 52-mınýtta golynan keıin taǵy da esep teńesti.

Qostanaılyq klýbtan Kýper Godberg Barrı 72; Erkin Tapalov 91-mınýtta qos gol soǵyp, qorytyndy esepte belgiledi.

Osylaısha «Tobyl» 4:2 esebimen basym túsip, ekinshi oıyn qatarynan jeńiske jetti. Nátıjesinde týrnır kestesinde birinshi orynǵa kóterildi.

Endi «Tobyl» 31 naýryzda syrt alańda Petropavldyń «Qyzyljarymen» kezdesse, sol kúni «Elimaı» «Astanamen» oınaıdy.

Aıta ketsek, búgin óz alańynda Qyzylordanyń «Qaısary» Petropavldyń «Qyzyljaryna» 0:3 esebimen ese jiberse, «Atyraý» men «Ordabasy» 1:1 esebine qanaǵat bildirdi.

Endi 7 naýryzda «Jeńis» (Astana) pen «Shahter» (Qaraǵandy), «Turan» (Túrkistan) men «Qaırat» (Almaty) sheberlik baıqasady.

Sondaı-aq, 5 naýryzda «Astana» «Jetisýdan» 2:0 esebimen basym tústi.