QPL-2024: «Astana» men «Aqtóbe» jańa maýsymdy jeńispen bastady

ASTANA. KAZINFORM – Búgin OLIMPBET QFL Premer-lıgasynyń jańa maýsymy bastaldy. І-týrdyń birinshi kezdesýinde elordalyq «Astana» men «Jeńis» komandalary ózara myqtyny anyqtady.

Almaty qalasynda ótken oıynda Grıgorıı Babaıannyń fýtbolshylary «Jeńisti» 2:0 esebimen jeńdi.

Kezdesýdiń 19 mınýtynda elordalyq komandanyń jańa oıynshysy Ýsman Kamara Qazaqstan Premer-lıgasynyń 2024 jylǵy maýsymyndaǵy birinshi goldy óz atyna jazsa, 62 mınýtta Elhan Astanov esepti eseledi. 

Qyzylorda qalasynda ótken ekinshi matchta «Aqtóbe» alań ıeleriniń qaqpasyna 3 gol soqty. Oıynnyń 24 mınýtynda Idrıs Ýmaev, 55 mınýtynda Maksım Samorodov mergendigimen kózge tústi. 64 mınýtta Ýmaev dýbl avtory atandy. Al, «Qaısar» sapynan Toqtar Jańǵylyshbaı oıynnyń núktesin qoıdy. 

Aıta ketıik, búgin QFL Premer-lıgasynyń jańa maýsymy 13 komandanyń qatysýymen ótetini belgili boldy. «Aqsý» fýtbol klýby Premer-lıgada óner kórsetpeıdi.