QPL-2018: Tórt oıynda segiz gol soǵyldy
ASTANA. QazAqparat - Búgin, 25 tamyzda elimizdiń tórt qalasynda fýtboldan Premer-lıga komandalary arasyndaǵy el birinshiliginiń 24-týr oıyndary bolyp ótti, dep habarlaıdy QazAqparat tilshisi.
Alǵashqy oıyn Pavlodar qalasynda bastaldy. Jergilikti «Ertis» Qaraǵandynyń «Shahter» komandasyn qabyldady. Eki komanda da dop dodasynda kósh sońynda keledi. Olardyń arasyndaǵy kezdesý 1:1 esebimen teń aıaqtaldy.
Odan keıingi Qostanaıdyń «Tobyly» men Qyzylordanyń «Qaısar» komandasy arasyndaǵy oıyn da teń nátıjemen bitti. Esep 0:0. «Tobyl» úzdik úshtiktegi ornyn saqtasa, «Qaısar» jetinshi orynda tur.
Shymkenttegi jergilikti «Ordabasy» men Oraldyń «Aqjaıyǵy» arasyndaǵy oıyn taǵdyryn jalǵyz dop sheshti. Ony alań ıeleri soqty. Esep 1:0. «Ordabasy» tórtinshi, «Aqjaıyq» toǵyzynshy orynda keledi.
Búgingi eń sońǵy oıyn Aqtóbe qalasynda boldy. Jergilikti «Aqtóbe» Taldyqorǵannyń «Jetisý» klýbymen sheberlik baıqasqan edi. Bul oıynda «Jetisý» 3:2 esebimen jeńiske jetip, týrnır kestesindegi jaǵdaıyn jaqsartyp aldy. Olar besinshi orynǵa kóterildi. «Aqtóbe» altynshy orynda tur.
Atalmysh týrdaǵy eki oıyn 26 tamyzda ótkiziledi. Elordada «Astana» Petropavldiń «Qyzyljaryn» qabyldasa, Almatyda «Qaırat» «Atyraýmen» sheberlik baıqasady.
Bul týrdan keıin el birinshiliginde azdaǵan úzilis bolady. Kezekti týr 16 qyrkúıekte jalǵasady.
