«Qozy Kórpesh-Baıan Sulý» poemasy mıýzıkl retinde usynylady
ASTANA. 21 jeltoqsan. QazAqparat - Búgin Astanada Beıbitshilik jáne Kelisim saraıynda Táýelsizdigimizge 22 jyl tolýyna oraı «Qozy Kórpesh - Baıan Sulý» mıýzıkli qoıylady. Bul týraly Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń baspasóz qyzmetine silteme astana.kz habarlady.
Baspasóz qyzmetiniń habarlaýynsha, qazaqtyń uly dramatýrgy Ǵ.Músirepovtyń «Qozy Kórpesh - Baıan Sulý» mıýzıkliniń premerasy Táýelsizdik kúnine jáne «Báıterek» tobynyń 10 jyldyq mereıtoıyna oraılastyrylǵan.
Basty keıipkerlerdi «Báıterek» tobynyń qatysýshylary somdaıdy. Qarabaı beınesinde QR «Daryn» memlekettik jastar syılyǵynyń ıegeri Saılaý Kamıev, Qodar beınesin QR eńbek sińirgen qaıratkeri Erlan Malaev, Jantyq beınesinde QR eńbek sińirgen qaıratkeri Núrken Óteýilov oınaıdy.
Rejısserdiń aıtýynsha, shyǵarmanyń basty jańalyǵy XIII-XIV ǵasyrda dúnıege kelgen týyndydaǵy qazaq halqynyń ulttyq bolmysy, salt-dástúrin búgingi qoǵam múshelerine, jastarǵa sahna óneri arqyly usyný.
