«Qozy Kórpesh – Baıan Sulý» kollektsııalyq monetalary aınalymǵa shyǵady
ASTANA. KAZINFORM - Qazaqstan Ulttyq banki (budan ári – QUB) «Mıfter, ańyzdar, ázil álemi» serııasynan «Qozy Kórpesh – Baıan Sulý» kollektsııalyq monetalaryn aınalymǵa shyǵarady, dep habarlaıdy Ulttyq banktiń baspasóz qyzmeti.
Kollektsııalyq monetalar 2026 jylǵy 2 qyrkúıekten bastap QUB-tyń ınternet-dúkeni arqyly satýǵa shyǵarylady.
Kollektsııalyq moneta týraly
Moneta dızaıny «Qozy Kórpesh – Baıan sulý» dastanynyń jelisimen dúnıege keldi. Bul poema – máńgilik mahabbat pen jankeshti adaldyqtyń, ólmes sezimniń qazaq folkloryndaǵy eń asqaq úlgisin pash etetin qundy muralardyń biri.
Moneta melhıor qospasynan (MN 25) turady, ony daıyndaý kezinde tampondy baspa tehnologııasy qoldanylǵan. Massasy 15 gramm, dıametri 33 mm, daıyndaý sapasy – «brilliant uncirculated», nomınaly 200 teńgelik, taralymy – 7 000 (jeti myń) dana.
Monetanyń beınesi
Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı barlyq tólem túrinde qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady.
Kollektsııalyq monetalar Qazaqstan teńge saraıynda daıyndaldy.
Osyǵan deıin Ulttyq banktiń Konstıtýtsııaǵa arnalǵan kollektsııalyq monetany aınalymǵa shyǵaratyny týraly jazdyq.
