Kózi kórmeıtin 20 juptyń nekesi qıyldy
ASTANA. QazAqparat - Saýd Arabııasynyń astanasynda alǵash ret janary aıyrylǵan jıyrma juptyń neke qııý rásimi bolyp ótti. Toptyq neke qııý rásimi buryndary uıymdastyrylyp turǵanymen, múmkindigi shekteýli jandarǵa arnalǵan bundaı shara birinshi ret ótkizilip otyr.
Igi bastamaǵa muryndyq bolǵan «Ál-Ibragım» qoldaý qory basshysynyń aıtýynsha, bul úlken aýqymdaǵy sharanyń tek quramdas bir bóligi ǵana. «Bizdiń aldymyzda múmkindigi shekteýli jandardyń jandardyń ómirin jeńildetýimiz úshin qyrýar jumys kútip tur», - deıdi qor basshysy.
Sondaı-aq, nekesi qıylǵan árbir jasqa 20 myń rıal kóleminde syıaqy berilip, merekelik dastarhan jaıyldy. Kásibı mamandar tarapynan jańa úılengenderge aqyl-keńester aıtylyp, arnaıy sabaq ótkizildi, dep jazady muslim.kz.
