Qojaıynyna bylapyt sózder aıtyp, salǵylasyp jatqan totyqusty polıtseıler toqtatty
ASTANA. QazAqparat - Kanadalyq Braıton qalasynyń turǵyndary kórshisiniń daýys kóterip, janjal týdyrǵanyn estip, áıelimen kerisip jatyr degen oımen polıtsııa shaqyrǵan. Sóıtse ol totyquspen urysqan bolyp shyqty, dep jazady Bı-bı-sı.
Polıtsııa kórshileri áıelimen qatty sózge kelip, ony óltirem dep qorqytyp jatqanyn aıtqan birneshe turǵynnan shaqyrtý alǵan.
Oqıǵa ornyna jetken polıtseıler úı ıesi men qarsy jaýap qaıyrýdan ese jibermeı salǵylasyp jatqan totyqustyń janjalyna kýá bolǵan.
Polıtsııa ıesimen janjal barysynda totyqustyń zardap shekpegenin atap ótedi. Er adamǵa polıtseıler eshqandaı shara qoldanǵan joq.
