Qojamjarovqa qatysty tergeý amaldary júrip jatyr – Bas prokýratýra

ASTANA. KAZINFORM — QR Bas prokýrorynyń orynbasary Ǵalymjan Qoıgeldıev eks-senator Qaırat Qojamjarovqa qatysty sotqa deıingi tergep-tekserý jaıynda pikir aıtty.

- Qojamjarovqa qatysty tergeý amaldary júrip jatyr. Sondyqtan osy jumystyń nátıjesin kútý kerek. Jalpy, osy iske qatysty basqa derekterdi jarııalaı almaımyn. Tergeý aqtalǵannan keıin, barlyq maǵlumatty jarııalaımyz, - dedi Ǵ. Qoıgeldıev Senattyń jalpy otyrysynan keıin tilshiler suraǵyna jaýap bere otyryp.

Sonymen qatar jýrnalıster qazir Q.Qojamjarovtyń qaıda júrgenin surady.

- Onyń bárin tergeý barysynda anyqtaımyz, - dedi Bas prokýrordyń orynbasary.

Eske salsaq, bıyl qyrkúıek aıynyń basynda Ekonomıkalyq qylmysqa jáne sybaılas jemqorlyqqa qarsy kúres agenttiginiń burynǵy tóraǵasy Qaırat Qojamjarovqa qatysty sotqa deıingi tergep-tekserý bastalǵany jarııalandy. 

Ol laýazymdyq ókilettigin asyra paıdalandy jáne ártúrli kezeńderde qylmystyq jolmen alynǵan aqshany zańdastyrdy degen kúdikke ilindi.