Qojamjarovqa qatysty qylmystyq is boıynsha tergeý bastaldy
ASTANA. KAZINFORM — Ekonomıkalyq qylmysqa jáne sybaılas jemqorlyqqa qarsy kúres agenttiginiń burynǵy tóraǵasy Qaırat Qojamjarovqa qatysty sotqa deıingi tergep-tekserý bastaldy. Bul týraly Bas prokýratýra habarlady.
Ol laýazymdyq ókilettigin asyra paıdalandy jáne ártúrli kezeńderde qylmystyq jolmen alynǵan aqshany zańdastyrdy degen kúdikke ilindi.
- Barlyq ister boıynsha arnaıy prokýrorlardyń jetekshiligimen jedel-tergeý toptary quryldy, - delingen aqparatta.
QR Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Buǵan deıin Bas prokýratýra Qaırat Qojamjarovtyń «Qorǵas isine» qatysy baryn rastaǵan edi.
Eske sala ketsek, Almaty oblysyndaǵy keden beketterinde iri kólemdegi urlyq derekteri týraly Qarjy polıtsııasy 2011 jyldyń sońynda habarlaǵan bolatyn. Ol jerde 100-den astam adamnan turatyn uıymdasqan qylmystyq top áreket etken.
Qarjy polıtsııasynyń málimetinshe, bul qylmystyq toptyń jumysyna qylmystyq qurylymdardyń ókilderimen birge quqyq qorǵaý organdarynyń jekelegen laýazymdy tulǵalary da tartylǵan. Olar topty qarjylaı syıaqy úshin qoldap otyrǵan.