Qojamjarov xalyqqa apta saıyn esep berýdi tapsyrdy
"Búginnen bastap biz buqaralyq aqparat quraldarymen turaqty túrde kezdesip, qoǵamdaǵy ózekti máseleler boıynsha baıandama jasaıtyn bolamyz. Bul alań kóptegen máselelerdi xalyqqa jetkizýge kómektesedi dep senemiz. Kelesi baspasóz máslıxaty qylmystyq atqarý júıesindegi zańnamanyń saqtalýyna arnalady. Sol sebepti atalǵan taqyryptyń ózektiligine baılanysty barlyq suraqtardy aldyn ala jiberýge bolady. Búginde kóptegen qylmystyq ister ashylyp jatady, jabylyp jatady. Sol sebepti birden jaýap be almaı qalýymyz múmkin. Ondaı jaǵdaı bolmas úshin suraqtardy press@prokuror.kz mekenjaıyna jiberýdi suraımyz",- dedi Bas prokýratýranyń resmı ókili Oksana Loskýtova.
Aıta keteıik, búgingi baspasóz máslıxatynda O.Loskýtova jolaýshylardy tasymaldaý salasyndaǵy tekseristerdiń nátıjesin jarııalady.
Onyń sózine qaraǵanda, avtobýsty mas kúıinde júrgizgen adamdardy jumysqa qaıta alý oqıǵalary az emes.
Al Bas prokýratýranyń qoǵamdyq múddeni qorǵaý qyzmetiniń basshysy Azamat Dúısembekov Aqtóbedegi avtobýs órtine qatysty tergeý týraly aıtyp berdi.
