Qojahmetov belsendi azamattardy ulttyq kompanııalardyń dırektorlar keńesine engizýdi usyndy
«Prezıdent Qasym-Jomart Toqaevtyń kvazımemlekettik sektordy qysqartý týraly usynysyn qoldaımyz. Qazaqstannyń búkil ekonomıkasynyń 60 paıyzdan astamyn quraıtyn atalmysh sektor jumysynyń ashyqtyǵy men eseptiligin arttyrý maqsatynda bir bilikti azamattyq belsendini ár ulttyq kompanııalardyń – «Samuryq-Qazyna», «Báıterek», «Kazagro» jáne olardyń enshiles kompanııalarynyń dırektorlar keńesine, sondaı-aq, óńirlik áleýmettik kásipkerlik korporatsııalardyń dırektorlar keńesine engizýdi usynamyn», - dedi ol elordadaǵy Ulttyq qoǵamdyq senim keńesiniń alǵashqy otyrysynda.
Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótip jatyr. Otyrysqa Qazaqstan Prezıdenti Qasym-Jomart Toqaev qatysýda.
Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptastyrylady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.
