Qojaǵapanov isi: shyǵyndy esepteý úshin sarapshy tartylady
ASTANA. KAZINFORM — Astana qalasynyń qylmystyq ister jónindegi aýdanaralyq sotynda burynǵy Mádenıet jáne sport vıtse-mınıstri Erlan Qojaǵapanovqa qatysty qyzmettik ókilettigin asyra paıdalandy degen kúdikpen qaralyp jatqan sot protsesi jalǵasyp jatyr.
Qorǵaýshy jáne aıyptaýshy taraptyń ótinishin qarastyrǵannan keıin sot qylmystyq is boıynsha elordalyq baǵalaýshylar palatasynyń mamanyn tartý týraly qaýly shyǵardy. Mamandar 2018 jyldaǵy forýmdy uıymdastyrý jáne ótkizý úshin usynylǵan taýarlar men qyzmetterdiń naryqtyq qunyn baǵalaıdy.
Mamannyń qaraýyna qajetti materıaldar, sonyń ishinde qyzmetterge berilgen baǵa usynystary usynylady.
Tekserýdiń taǵaıyndalýyna baılanysty sot otyrysy 2025 jylǵy 9 sáýirge qaldyryldy.
Buǵan deıingi sot otyrysynda Erlan Qojaǵapanov «Aktıvterdi baǵalaý ortalyǵy», «Damý» jáne «Bagam» kompanııalary tarapynan qosymsha saraptama qajet ekenin málimdegen edi.
— Baǵalaý ortalyǵy (red. — aktıvterdi baǵalaý ortalyǵy) 2018 jyly tabıǵatta bolmaǵan ónimge qalaı baǵa bere alady? — dep suraq qoıdy E. Qojaǵapanov.
Eske salsaq, byltyr 1 naýryzda Sybaılas jemqorlyqqa qarsy qyzmet Mádenıet jáne sport eks-vıtse-mınıstrin aýyr jemqorlyq qylmys jasady degen kúdik boıynsha ustady.
Bıyl naýryzdyń sońynda Antıkor atalǵan is boıynsha tergeý amaldary aıaqtalǵanyn habarlady.