QOJA TOLYǴ KESENESІ
Qoja Tolyǵ kesenesi - sáýlet óneri eskertkishi. Jergilikti musylmandar sheıhynyń qabiri basyna turǵyzylǵan. Ońtústik Qazaqstan oblysynyń Saıram aýdanda ornalasqan.
Mazardyń HVІІ-HVІІІ ǵasyrda turǵyzylǵan alǵashqy nusqasy saqtalmaǵan. Qazirgi kesene HІH ǵasyrdyń ekinshi jartysynda salynǵan.
Qoja Tolyǵ kesenesi ejelgi Saıramdaǵy tarıhı sáýlet óneriniń eń ásem úlgileriniń birine sanalady. Syrtqy ishki ólshemderi 6,44 x 6,30 m, bıiktigi 7,15 metr. Qabyrǵasyn qalaǵanda eski ǵımarattardan alynǵan kúıdirilgen kirpishterdi paıdalanǵan. Bir bólmeli qurylystyń tóbesi kúmbezben jabylǵan. Kúmbezdiń ortasynan kishkene munara shyǵarylǵan. Oǵan da tesikteri bar kúmbez ornatylǵan. Keseneniń aldyńǵy betindegi P pishindes portaldy, bederli baǵanalary ǵımarattyń sánin keltirip tur.
Ońtústik qabyrǵasynda syrly boıaýlarymen Shyǵys dástúrindegi shaı jabdyqtaryn beınelengen sýretterdiń nobaıy saqtalǵan. Bas kúmbez tórt arkaǵa, sondaı-aq, tórt pılonǵa ornatylǵan. Terezeleri osy zamanǵy úlgi boıynsha aǵashtan jasalǵan.
Derek kózi:
Qazaqstan ulttyq entsıklopedııasy, 6 tom.
