Qoja Ahmet ıAsaýıdiń «Dıýanı hıkmet» qoljazba kitaby Túrkistandaǵy murajaıǵa tabystaldy
ShYMKENT. QazAqparat - Qoja Ahmet ıAsaýıdiń «Dıýanı hıkmet» qoljazba kitaby Túrkistandaǵy murajaıǵa tabystaldy. Bul týraly óńirdiń mádenıet basqarmasynyń baspasóz qyzmeti jarııa etti, dep habarlaıdy QazAqparat tilshisi.
Basqarmanyń baspasóz hatshysy Madına Sabyrdyń aıtýynsha, qundy qoljazbany kıeli shahardaǵy «Áziret Sultan» murajaıyna Qoja Ahmet ıAsaýıdiń 27-shi urpaǵy ákelgen.
«Áziret Sultan» memlekettik tarıhı-mádenı qoryq-mýzeıine Túrkııa Respýblıkasy, Stambýl qalasynan ıasaýıtanýshy ǵalym, «Yesevi ocaklari» jýrnalynyń bas redaktory Ismetýlla ıAsaýı keldi. Qoryq-murajaıda ótetin Ulystyń Uly kúni - Naýryz merekesine arnalǵan mádenı is-shara barysynda Ismetýlla ıAsaýı saltanatty túrde Qoja Ahmet ıAsaýıdiń «Dıýanı hıkmet» qoljazba kitabyn «Áziret Sultan» qoryq-mýzeıine tapsyrdy»,- deıdi Madına Sabyr.
Aıta keteıik, Dıýanı hıkmet, «Aqyl kitaby» - Qoja Ahmet ıAsaýıdiń sopylyq ıdeıasyn jyr etken, etıkalyq-dıdaktıkalyq mazmundaǵy ádebı shyǵarmasy bolyp tabylady. Aqyn óz kitabyn qypshaq dalasy men Ortalyq Azııa túrkilerine kezinde túsinikti bolǵan shaǵataı tilinde jazǵan. «Dıýanı hıkmettiń» túpnusqasy saqtalmaǵan. Eń eski nusqasy XV ǵasyrdyń orta kezinde arab árpimen kóshirilgen. Bertin kele «Dıýanı hıkmet» Qazan (1887-1901), Ystanbul (1901), Tashkent (1902-11) baspalarynan jaryq kórgen.
