«Qoja Ahmet ıAsaýı murasy jáne Túrkistan» atty halyqaralyq konferentsııa ótip jatyr
ShYMKENT. QazAqparat - Túrkistanda «Qoja Ahmet ıAsaýı murasy jáne Túrkistan» atty halyqaralyq ǵylymı-praktıkalyq konferentsııasy ótýde. Aýqymdy basqosýdyń ótýine Mədenıet jəne sport mınıstrligi men «Áziret Sultan» qoryq-mýzeıi, «TÚRKSOI» Halyqaralyq Uıymy jáne Ahmet ıAsaýı atyndaǵy Halyqaralyq qazaq-túrik ýnıversıteti muryndyq bolyp otyr, dep habarlaıdy QazAqparat tilshisi.
Konferentsııanyń maqsaty-Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy jəne "Túrkistan-Túrki áleminiń mádenı astanasy" jyly aıasynda kıeli jerlerdi tanytý bolmaq. Sonymen qatar tarıhı-mádenı muralarymyzdy saqtaý men nasıhattaý arqyly keleshek urpaq kádesine jaratý, túrki halyqtarynyń rýhanı piri Qoja Ahmet ıAsaýı muralarynyń túrki halyqtary tarıhyndaǵy orny men róli jáne otandyq mýzeı salasyndaǵy aktýaldy problemalardy saraptaýǵa, taldaýǵa arnalǵan. 
Halyqaralyq deńgeıde ótip jatqan basqosýǵa Túrkııa, Ózbekstan, Qyrǵyzstan, Mońǵolııa, Reseı Federatsııasy men otandyq ǵalymdar, mýzeı isiniń 30-dan asa mamandary qatysyp otyr. Kópshilik aldynda sóz sóılegen sheteldik qonaqtar men jergilikti ǵalymdar negizgi taqyryp aıasynda óz pikirlerin bildirip, ózara talqylap jatyr. 
