Qoja Ahmet ıAsaýı kesenesiniń mańynda ashyq aspan astyndaǵy mýzeı salynady
TÚRKІSTAN. QazAqparat - Túrkistandaǵy Qoja Ahmet ıAsaýı kesenesine jaqyn tusta amfıteatr, sý burqaqtary, mádenı demalys oryndary men vızıt ortalyǵy jáne ashyq aspan astyndaǵy mýzeı ǵımarattattary boı kóteredi, dep habarlaıdy QazAqparat tilshisi.
Bul týraly búgin Túrkistan oblysynyń ákimi Janseıit Túımebaev «Tarıhı-mádenı murany qorǵaý men keńinen tanytýdy zańnamalyq turǵydan qamtamasyz etý» taqyrybyndaǵy kóshpeli otyrys barysynda aıtyp ótti.
Aımaq basshysynyń sózinshe, Túrkistandaǵy qurylys jumystaryn retteý aımaǵyna «Qazaq handary, bıleri» ortalyǵy, shyǵys monshasy, «Uly dala eli» jáne Túrki áleminiń ortalyqtary, ıAssaýı mýzeıi, Astana saıabaǵy men Beıneleý-óner mýzeıi salynatyn bolady. Bul nysandardyń bári tarıhı-sáýlettik qundylyqtarǵa aınalady dep kútilýde.
«Uly Jibek joly boıyndaǵy «Otyrar», «Saýran», «Sıdaq», «Kúltóbe», «Qaraspantóbe», «Jýantóbe» qalashyqtaryna arheologııalyq zertteý jáne qalpyna keltirý jumystary júrgiziledi. Qoja Ahmet ıAsaýı kesenesiniń aýmaǵynda «Kúltóbe» ashyq aspan astyndaǵy mýzeıi salynyp, QR Mádenıet jáne sport mınstrligimen birlesip Otyrar qalasyn qalpyna keltirý jáne abattandyrý, ınfraqurylymyn damytý jumystary qolǵa alynatyn bolady»,- dedi Janseıit Túımebaev.
