Qoja Ahmet ıAsaýı kesenesi mańynda qurylys toqtar emes – mınıstr ıÝNESKO nysandarynyń saqtalýy týraly
ASTANA. KAZINFORM – Elimizde ıÝNESKO konventsııalary men usynymdary boıynsha mindettemeler tolyq oryndalmaı otyr. Mádenıet jáne aqparat mınıstri Aıda Balaeva ıÝNESKO aıasynda mádenı murany saqtaý jáne ilgeriletý máselesin kóterdi.
− Búginde elimizde tarıhı-mádenı mura obektileriniń sany 25 myńnan asady. Atap aıtqanda respýblıkalyq mańyzy bar tarıhı jáne mádenı eskertkishter tiziminde 265 eskertkish bolsa, jergilikti mańyzy bar 12 myńnan asa tarıhı jáne mádenı eskertkish tirkeldi. ıÝNESKO-nyń Búkilálemdik mura tiziminde elimizdiń 10 tarıh jáne mádenı eskertkishi bar, − dedi dedi Mádenıet mınıstri Úkimettiń búgingi otyrysynda.
Sonymen birge, mınıstrlik Materıaldyq emes mádenı mura elementteriniń ulttyq tizimin qaıta qarap, buǵan deıingi 45 elementti 79 elementke deıin arttyrdy. Qazir Qazaqstannyń atynan Adamzattyń materıaldyq emes mádenı murasy tizimine 14 element engizilgen.
Bul rette ıÝNESKO standarttaryna saı mádenı jáne qujattyq murany saqtaý men damytýǵa kedergi keltiretin birqatar másele anyqtalǵan.
− Birinshiden, qazir ıÝNESKO konventsııalary men usynymdary boıynsha mindettemeler tolyq oryndalmaı otyr. Almaty oblysyndaǵy Talǵar men Qaramergen, Jetisý oblysyndaǵy Qoılyq, Jambyl oblysyndaǵy Aqtóbe, Qulan, Qostóbe jáne Órnek sekildi qalashyqtardyń, Aqyrtas saraıy kesheniniń ınfraqurylymdaryn damytý – óte ózekti, − deıdi A. Balaeva.
Onyń aıtýynsha, ıÝNESKO tizimine engen birqatar eskertkish kóp jaǵdaıda «qaraýsyz qalǵan», ne bolmasa «mańyzsyz» nysandar retinde qabyldanyp otyr.
Halyqaralyq mańyzy bar eskertkishter oblystardyń aýmaǵynda ornalasqandyqtan, olardy damytý ákimdikter úshin múddeli maqsat bolýy kerek.
− Al Qoja Ahmet ıAsaýı kesenesi sekildi Búkilálemdik mura nysanynyń býferlik aımaǵynda jergilikti bıliktiń kelisilmegen qurylys salýy toqtar emes. Máselen, qazir eskertkishtiń býferlik aımaǵynda taǵy bir qurylys irgetasy qalanǵany belgili boldy. Sondaı-aq, Qulan, Qoılyq qalashyqtarynyń býferlik aımaǵynda qurylys obektileri kóbeıip, aınalasyndaǵy qoqystyń tazarmaýy da ózekti máselege aınalǵan. Respýblıkalyq mańyzy bar Tekturmas, Joshy han keseneleriniń jaı-kúıi de jiti nazar aýdarýdy qajet etedi, − dedi Aıda Balaeva.
Buǵan deıin «Handar shejiresi» qoljazbasy ıÝNESKO-nyń halyqaralyq «Álem jady» tizimine engizilgeni habarlanǵan edi.