Qoja Ahmet ıAsaýı kesenesi 14-15 mamyr kúnderi ýaqytsha jabylady
TÚRKІSTAN. KAZINFORM – Halyqaralyq sammıtke baılanysty Túrkistan qalasyndaǵy birqatar mádenı nysandardyń jumysyna ýaqytsha shekteý engiziledi.
Túrki memleketteri uıymynyń beıresmı sammıtiniń ótýine baılanysty Qoja Ahmet ıAsaýı kesenesi men mýzeı-qoryqqa qarasty barlyq mýzeıler 14-15 mamyr kúnderi kelýshiler úshin jabyq bolady.
Áziret Sultan ulttyq tarıhı-mádenı mýzeı-qoryǵy ákimshiliginiń málimetinshe, atalǵan kúnderi «Tıketon» jáne «Davaı shodım» platformalary arqyly onlaın bılet satyp alýǵa da ýaqytsha shekteý engizilgen.
– Halyqaralyq deńgeıdegi mańyzdy is-sharany ótkizý barysynda engiziletin ýaqytsha shekteýler men qaýipsizdik sharalaryna túsinistikpen qaraýdy suraımyz, – delingen resmı habarlamada.
Aıta keteıik, tarıhı jıyn qarsańynda qalada qaýipsizdik sharalary kúsheıtildi. Osy maqsatta Shymkent qalasy men Almaty, Jambyl, Qyzylorda oblystarynan patrýldik polıtsııa qyzmetkerleri arnaıy shaqyrtylǵan.
