Kózge kórinbeıtin sıqyrly plaş jasap shyǵaryldy
ASTANA. 21 jeltoqsan. QazAqparat - Amerıka Tehas ýnıversıtetiniń bir top ǵalymdary batareıamen jumys isteıtin kózge kórinbeıtin plaş jasap shyǵardy, dep habarlaıdy aqparat agenttikteri.
Qurylǵy shaǵyn tolqyndy dıapazonda kishigirim zatty kózge kórsetpeıtindeı qasıetke ıe. Al ony qýat kózine qossa, tıimdiligi odan saıyn kúsheıe túsetin kórinedi. Jańa quraldyń ózge quraldardan aıyrmashylyǵy ol tek zattyń janynan ótken radıtolqynnyń pishinin qalypqa keltirip qoımaıdy, oǵan qosa, qosymsha qýat kózin paıdalana otyryp, bul isti belsendi túrde jasaıdy.
Ǵalymdar kózge kórinbeıtin plaştar áldeneni syrt kózden jasyrýǵa ǵana arnalǵan qurylǵy emes ekenin basa aıtýda. Zatty radıotolqyndardan jasyrý birqatar azamattyq mindetterdi sheshýde paıdaǵa asýy múmkin. Mysaly, eger birdeńeni baqylaýǵa metall qurylǵy kedergi bolsa, ony "kózge kórsetpeıtin plaşpen" orap qoısa, ol kórinbeıdi, dep jazady BELTA.
