«Kózge kórinbeıtin memleket» servısi - Mýsın densaýlyq salasyn tsıfrlandyrý jaıly

ASTANA. QazAqparat –QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın densaýlyq saqtaý salasyn tsıfrlandyrýǵa erekshe kóńil bólinetinin aıtty, dep habarlaıdy QazAqparat tilshisi.

«Tsıfrlandyrý baǵytynda nazar aýdarýdy qajet etetin tustar bar. Densaýlyq saqtaý salasy tsırflyq transformatsııalaýdy qajet etip tur. Biz qazir sol baǵytta jumys isteımiz. Jeti jyldyń ishinde densaýlyq saqtaý salasy áldeqaıda boljamdy, jeke adamdarǵa baǵyttalǵan qurylymǵa aınalyp, OpenAPI formatyndaǵy derekter bazasyna qoljetimdilik múmkindigi osy salada da jumys isteýi kerek. Bul árbir adam memlekettiń baqylaýynda, qamqorlyǵynda ekenine senimdi bolý úshin kerek»,- dedi mınıstr.

Sondaı-aq ol memlekettik qyzmetterdi proaktıvti formatqa aýystyrý ári qaraı jalǵasatynyn eske saldy.

«Ár otbasynyń derekterin taldaý arqyly biz memlekettik qyzmetterdi proaktıvti formatta kórsetemiz. ıAǵnı, ár adamnyń, ár otbasynyń bas aýyrtyp júrgen máselesin taldaý arqyly bilip, oǵan ıkemdi servısti usynamyz. Bul, beınelep aıtqanda, «kózge kórinbeıtin memleket» deýge bolady. Biz adamdardy «Elektrondyq úkimette» túrli qujattar toltyrýǵa májbúrlemeımiz.

Mysaly, qazir bala dúnıege kelse, ata-anasyna quttyqtap, «Balaǵa qandaı esim qoıdyńyz?» degen jalǵyz suraqpen habarlama jiberemiz. Ol habarlamaǵa ata-ana balanyń esimin qoıyp úlgergen bolsa, jaýap retinde joldaıdy. Osynyń negizinde balanyń aty-jóni jazylǵan týý týraly kýálik daıyn bolady. Bıyldan bastap bul qujat elektrondyq qujatqa aınaldy. ıAǵnı qaǵaz nusqasyn rásimdeý mindetti emes», - dedi Baǵdat Mýsın.