Qozǵaltqyshy isten shyqqan túrik ushaǵy Atyraýǵa qondy
ASTANA. QazAqparat - Novosibirden Antalııaǵa bet alǵan «Pegasýs» túrik áýe kompanııasynyń Boıng-737 ushaǵy apatty jaǵdaıda Atyraý áýejaıyna qondy, dep habarlaıdy QazAqparat Azamattyq avıatsııa komıtetine silteme jasap.
Komıtettiń habarlaýynsha, túrik ushaǵynyń qozǵaltqyshy isten shyqqan.
«Búgin saǵat 10:03-te Novosibir-Antalııa baǵytyndaǵy «Pegasýs» túrik áýe kompanııasynyń Boıng-737 áýe kemesiniń qozǵaltqyshy isten shyqty degen habar kelip tústi. Ekıpaj Atyraý qalasyna apatty jaǵdaıda qoný týraly sheshim qabyldaǵan. 10:20-da ushaq jerge qondy. Bortta 190 jolaýshy jáne 6 ekıpaj múshesi bolǵan», - dep habarlady Azamattyq avıatsııa komıteti.
