Qozǵaltqyshty uzaq qyzdyrǵany úshin jazalaý normasyn qaıta qaraý kerek - depýtat
ASTANA. KAZINFORM – Búgin Májilistiń jalpy otyrysynda depýtat Serik Erýbaev qatty aıazdy kúnderi avtokólikti jylytýǵa 5 mınýttan kóp ýaqyt ketetinin aıtty. Osy oraıda ol kóliktiń qozǵaltqyshyn uzaq qyzdyrǵany úshin aıyppul salý normasy qısynsyz ekenin atap ótti.
- Qabyldanǵanyna 20 jyldan asqan norma keıingi kezde keńinen rezonans alyp otyr. ıAǵnı avtokóliktiń qozǵaltqyshyn 5 mınýttan astam qyzdyrǵandarǵa aıyppul salý belsendigin qalaı túsindirýge bolady?! Álde, bul jaǵdaı bıýdjetti toltyrý tetikteriniń biri me? Negizsiz aıyppuldardy qoldanýdan, eń aldymen, kásipkerler men kólik júrgizýshileri zardap shegetini barshaǵa málim. Mysaly, taýarlardy úı janyndaǵy dúkenderge tıeý jáne túsirý kezinde, bólingen bes mınýttan kóp ýaqytty alady. Al qozǵaltqyshty mınýs 20 gradýs nemese odan da kóp temperatýrada óshirý qısynsyz, - dedi S. Erýbaev Іshki ister mınıstriniń atyna joldaǵan saýalynda.
Onyń aıtýynsha, óńirlerdegi qatty aıaz bolǵan kezde, mashınany jylytýǵa 5 mınýttan kóp ýaqyt ketedi.
- Joǵaryda aıtylǵandarǵa baılanysty «Aq jol» partııasynyń depýtattyq fraktsııasy osy saýalda baıandalǵan másele boıynsha tekserý júrgizýdi usynyp otyr. Sondaı-aq, aımaqtardyń temperatýralyq rejımi men klımatyn eskere otyryp, kólik qozǵaltqyshynyń 5 mınýttan astam qyzdyrýǵa qatysty normany qaıta qaraý kerek dep sanaımyz, - dedi depýtat.
Eske salsaq, jaqynda senator Marat Qojaev qysta avtokóliktiń qozǵaltqyshyn uzaq qyzdyryp turǵandarǵa aıyppul salýǵa qatysty suraqqa jaýap berdi.
Aıta keteıik, osy norma aıasynda aıyppul 5 AEK somasynda qarastyrylǵan. Al osy talapty qaıtadan buzǵandarǵa 10 AEK aıyppul salynady.