Kóz jumǵandar bar: Aqmola oblysynda avtobýs pen jeńil kólik soqtyǵysty

PETROPAVL. KAZINFORM – Aqmola oblysynda «VAZ» markaly jeńil kólik pen «YUTONG» avtobýsy soqtyǵysty.

Aqmola oblysy polıtsııa departamenti baspasóz qyzmetinen habarlaǵandaı, jol-kólik oqıǵasy 23 naýryz kúni «Stepnogorsk-Zavodskaıa kenti» avtojolynda bolǵan. «VAZ» avtokóliginiń júrgizýshisi men úsh jolaýshysy alǵan jaraqattan sol jerde kóz jumdy. Jeńil kólikte bolǵan kámeletke tolmaǵan taǵy eki jolaýshy túrli jaraqatpen medıtsınalyq mekemege jatqyzyldy. 

Polıtseıler sotqa deıingi tergeýdi bastady, onyń nátıjei boıynsha is júrgizý sheshimi qabyldanady. 

— Mundaı oqıǵalardy boldyrmaý úshin jol qozǵalysyna qatysýshylar jyldamdyq rejımin, ásirese kólik aǵylǵan jol ýchaskelerinde qatań saqtaýy qajet. Budan basqa, avtokóliktiń tehnıkalyq jaı-kúıin únemi baqylaýda ustaǵan jón, - dedi Stepnogor qalasy polıtsııa basqarmasynyń bastyǵy Talǵat Saqanov. 

Buǵan deıin Astanada 60 adam órtten qutqarylǵanyn jazǵan edik.